Ya ye feita a composizión definitiba d’o Consello d’as Luengas (notizia d’o 16 d’otubre pasato). A DChA fazió a suya proposta, en a que i mete á José Bada, Carmen Alcover, Ignacio Nicolau, Manuel Castán e Fernando Sánchez. E per astí tenemos a dos presonas que son d’o Estudio de Filología Aragonesa (l’Academia). Per as cortes amanixe López Susín (CHA-REA-CFA), Chusé Raúl Usón (d’a SLA), y per a unibersidat tenemos á Nagore (CFA). Un empate teunico. Parixe que s’achuntarán en iste agüerro. Con o catalán no bi ha problema, pero a custión gran plega con l’aragonés. Iste rolde dezidirá sobre a composizión d’a esbenidera Academia. Beluns quieren estricallar os criterios de competenzia zientifica. Ya sapemos que an no i plega a zienzia, plegarán as broxas. Y o PSOE enmeyo. Medrana.
Aragonando 
octubre 22, 2010 at 13:25
¿qui quiere estricallar os criterios de competencia cientifica?
octubre 22, 2010 at 13:25
Yo no veigo l’empate tecnico por garra cabo.
octubre 22, 2010 at 13:25
Castán+Usón+Sanchez=Nagore+Susín. Nagore vale por dos.
octubre 23, 2010 at 13:25
Si charramos de cómo se parará l’academia de l’aragonés, caldrá fer-la con criterios de competenzia zientifica, suposo… no? Suposo que Castán and company no deseyan una estrutura á lo Paco Martínez Soria.
octubre 25, 2010 at 13:25
Los mesmos criterios que Nagore y o Consello facioron de conchunta con a resta d’asociacions en a paranza d’o II Congreso de l’aragonés.
octubre 25, 2010 at 13:25
Me parixe que Nagore considera que si bien ixos criterios sí que yeran cientificos, a suya aplicación prautica no lo ye tanto.
Castán viene dicindo dende fa tiempo que as trazas de fer os neolochismos que fa servir o Consello no ye buena, ye «fabla» que diz el, no pas aragonés, a la fin, lo que fa ye refusar tot lo treballo normativo de os zagueros 25 anyos. Mesmo diz que no cal aprender ixa «fabla» sino «dialectos históricos» (sic) u siga que no cal aprender fabla aragonesa, sino, por exemplo, fabla chesa.
Y garra chen de o EFA u de Nogará sale desautorizando-lo. U siga que siguindo a «doctrina BIC» de Chuserra, ixo sinifica que i soz de raso d’alcuerdo, no ye asinas, Zucre?
O discurso de Castán ye bien parellano á lo discurso de a SLA. Me parixe que Nagore y a mayoría de a chen de o Consello se barruntó ista sintonía Nogará-SLA en o II Congreso y por ixo s’en fuoron.
A custión ye si a mayoría de o socios de Nogará son d’alcuedo con l’amanamiento de o suyo coordinador á las posicions de a SLA.
octubre 25, 2010 at 13:25
A chent de Nogará, BIC,…u demás, que en sigan prou informaus saben de sobras lo que piensa Castán d’os dialectos y de l’aragonés común (que prou que lo esfiende). Lo habrán sentiu y visto en más d’una charrada esfender l’aragonés común devant de chesos, benasqueses u ribagorzanos… Totz remeramos as suyas famosas parolas devant d’un cheso que deciba que «l’aragonés común iba a rematar con o cheso», revatir-le sin tartir en patués (y sin perder os papers) dicindo-le que «ixo ya yera un debate superau».
octubre 25, 2010 at 13:25
Estoi que bi ha mas chen pro-EFA. Por exemplo , Marta Marín (d’Echo) que va estar nombrada per o PSOE.
¿Sabez de cualques nombres más?
D’altro canto me fa miedo que i seiga la Zorraquino, que puede esfer funcionalmen o Consello Superior de as Luengas d’Aragón.