Buscar

Aragonando

Blog aragonés de pensamiento anticolonial

Categoría

en aragonés

Torno t’o PIR

He defendíu dende fa anyos o potenzial d’a cultura popular pa chenerar identidat aragonesa, y un exemplo prou vistero yera o Festival de Mosica y Cultura Pirenaíca -o PIR-. E ixo que os localismos pesan, y ye una pena per o potenzial que teneba iste evento.

PIR 2019

Feba tiempos que no puyaba ta iste chicot festival, a crisis prevocó un retalle en as programazions, anque ye zierto que antis de ixo, ya se veyeba desidia entre os organizadors. A verdat ye que tampó no me importa…, os tiempos han cambiau y agora disfrutar d’o PIR ye sozializar con chen d’o entorno que fa tiempos que no veyes u descubrir collas mosicals (Mosicaires, de Ribagorça; Alidé Sans, d’Arán…).

Con tot y con ixo, dende Esfendemos as Luengas se fa una critica prou enzertada d’a marguinazión de l’aragonés, en a suya varián chesa, d’os discursos publicos en a entrega d’o premio Truco. Os responsables locals y comarcals son d’o PSOE. O rechimen soziata leva en o poder muitas decadas y as suyas iniziativas en rilazión con a defensa d’as luengas propias son una mena de conzesions pa pillar poder.

Fuyir d’a banalidat, un vergel en tiempos difízils:

https://aragonando.wordpress.com/2008/07/04/la-aragonesofobia-del-pir/

https://aragonando.wordpress.com/2007/07/12/xenofobia-espanola-en-echo/

Fobia á los suenios

En un rezién articlo de José Luis Melero aparixe a ideya de que «sólo se puede ser aragonés» en una Espanya autual, crebata e polarizata. Os aragoneses acostumbramos de cayer bien en a resta d’o Estau -a famosa clamor entre Castilla y Catalunya-, un mantra vazío pa chenerar espazios de confort. Si güellamos os datos d’o CIS sobre sentimiento nazionalista en Aragón, a baxada d’a identidat propia contina. 

Melero ye uno d’os inteleutuals autuals que emparan o discurso de Chunta Aragonesista: o seny federalista -país de países-. En Aragón «mái enradigó l’independentismo», per ixo plega o Trebunal Constituzional y atura la Lei de Dreitos Istoricos

photo6048679512306200708
Soro, CHA, PSOE y atras amigas

¿Bi ha vida més dillá de iste aragonesismo? Si repensamos os problemas d’Aragón, ye de dar que sí. O buenismo de Melero ye un «cordón sanitario» pa siñalar á os buenos aragoneses y á os que son periglosos con ixa Espanya desfeita. Entremistanto, Chunta proposa una compleganza de totas as cuchas, ¿seny u sillonitis?

 

In memoriam, Ángel Ramírez

Yera Ánchel, feba unos días que eba tornau á Uesca, treballos, fainas e istas cosas. A notizia d’o suyo azidente de trafico, chunto con a suya parella, me plegó per o traste d’o mobil. Yera en shock. Ánchel yera una de ixas presonas nezesarias, buenas, d’as que fan ziudat, u fan país, una mareya filosofica entre tanto rosigaltar e purista. Siempre con a suya bezicleta, remero cuan plegaba á la siede d’o Consello, en ixas boiras d’abiento en Uesqueta… Ye una pena. Pero o suyo esprito siempre permanexera. E no charro so que como companyer en a esfensa de l’aragonés, sino como autibista sozial, sendical, cultural. Muitas cosas s’amuntonan en a mía capeza. Talmén o millor siga amostrar bel berso d’a suya creyazión…

O fumo luita

y luitará perén,

pero as chamineras politas

son sólo que una alcordanza

amagata en o fundo

d’o subconszién coleutibo.

Poemario Rolde d’asperas, XI Premio «Billa de Sietemo» (2011), Uesca, CFA, 2015, p. 7.

Manifestación soberanista #enatuyaman

Iste sábado 21 d’aviento, MANIFESTACION SOBERANISTA, o cambio ye #enatuyaman

A sola salida a ista crisi ye en o propio Propio Aragonés, como sucheto soberano, y en a suyo embreque en os movimientos socials y nacionals, que cheneren o cambeo.

No podemos quedar-nos de brazos cruciaus debant d’a ofensiva recentralizadera d’o gubierno d’o PP. Hue tenemos un nuevo reto como Pueblo Soberano, decidir queremos estar, . Iste ye o paso imprescindible ta aconseguir estar os duenyos d’o nuestro maitín como país y como pueblo. Ista ye a sola opción ta aconseguir aturar todas istas enrestidas d’a dreita espanyolista , o pueblo debe esleir o suyo camín como tantas atras vegadas a lo largo d’a historia.

Ye en a nuestra man aconseguir un marco propio de decisión. Nusatros os aragoneses hemos de tener o poder de decidir sobre o nuestro futuro, sobre como queremos desembolicar y organizar o nuestro País, pensando que os nuestros dreitos como pueblo no pueden estar por alto d’atros lugars.

  • Ye en a nuestra man tener una sobiranía economica. Con ella podremos decidir án son mas necesarios os nuestros recursos.
  • Ye en a nuestra man destinar mas meyos a empentar una educación, cultura y sanidat publica, pensando que l’obchectivo prencipal ye a ciudadanía aragonesa.
  • Ye en a nuestra man esfender as nuestras luengas, as nuestras tradicions y meter en valor que somos una nación sin buegas, un lugar mestizo.
  • Ye en a nuestra man cambiar as relacions socials y treballar por una verdadera igualdat y chusticia social t’o conchunto d’a ciudadanía sin deixar-nos avasallar por iste sistema capitalista.
  • Ye en a nuestra man rematar con l’expolio d’os nuestros recursos por parte d’iste sistema ultraliberal, os beneficios del qual se quedan uns pocos, entre que as perdidas d’as grans interpresas y bancos son redistribuidas entre todas/totz.
  • Ye en a nuestra man aduyar a que atros lugars chirmans aconsigan fer fuera sistemas d’explotación de sieglos pasaus que obliga a la suya población a chugar-se a vida ta sobrevivir, estando esclataus tamién por ixo.

Ye en a tuya man unir-te a un prochecto ubierto, participativo y construyir chuntos un Aragón soberano y social.

Naxe Arredol

Ista semana ye amanexito Arredol, o primer meyo dichital de comunicazión que ye de pleno en luenga aragonesa. Una sobrebuena notizia en istos tiempos foscos, posmudernos, en os que parixe que petenamos entazaga per o nuebo eszenario pulitico. Me remera un poquet á o diario Avui, per a estetica, o sendito d’as notizias, a sensibilidá per as luengas e culturas minoritarias. L’aragonés emplegato ye a nueba grafía proposata per o Estudio de Filología Aragonesa, asperamos que en iste Arredol puedan leyer-ne testos en atras bariedaz e grafías, perque á la fin, o país ye chicote, os consensos crebatos y l’asperanza surte con rasmia con proyeutos como iste.

Entadebán Arredol!

Os barafundios de beluns

Ye triste que una organizazión como A Enrestida que luita per fer un mundo millor, sin desinformazión ni manipoliazión, refirme, a trabiés d’o suyo blog e tamién d’a fuella Esmo (lum. 15), una opinión en a que culpa á Francho Nagore d’espelletar a lei de luengas per no azeutar iste l’auta de miembro de l’Academia d’a Luenga Aragonesa. Una cretica que tamién se fica en CHA, partiu de Nagore y que “ni fa servir unas luengas propias, ni las siente ni las rispeta”.

Ixas grabas d’as que charra A Enrestida pueden estar ziertas en bella mida, u en rilazión con atros prozesos, contestos u situazions pero mai en o inte en o que Luisa Fernanda Rudi anunzia, como Felipe V, que derogará a Lei de Luengas, u como l’anterior gubierno d’o PSOE-PAR retardó de traza conszien toz os plazos de desembolique d’a lei (aprebata en abiento de 2009). Pero ye millor fer serbir una estratechia de confusionismo en o mobimiento d’esfensa d’a luenga, e tamién, en a resta de ziudadanos. Una begada más, trafucamos l’enemigo, chugando á crebar, en una estratechia de barafundio que mos amana chino chano á un esbenidero prou reyal: a muarte d’a luenga aragonesa.

Consello d’as Luengas…

Ya ye feita a composizión definitiba d’o Consello d’as Luengas (notizia d’o 16 d’otubre pasato). A DChA fazió a suya proposta, en a que i mete á José Bada, Carmen Alcover, Ignacio Nicolau, Manuel Castán e Fernando Sánchez. E per astí tenemos a dos presonas que son d’o Estudio de Filología Aragonesa (l’Academia). Per as cortes amanixe López Susín (CHA-REA-CFA), Chusé Raúl Usón (d’a SLA), y per a unibersidat tenemos á Nagore (CFA). Un empate teunico. Parixe que s’achuntarán en iste agüerro. Con o catalán no bi ha problema, pero a custión gran plega con l’aragonés. Iste rolde dezidirá sobre a composizión d’a esbenidera Academia. Beluns quieren estricallar os criterios de competenzia zientifica. Ya sapemos que an no i plega a zienzia, plegarán as broxas. Y o PSOE enmeyo. Medrana.

Uesca antitaurina 2010

¿Qué ascuitamos? Ulut

ULUT es un grupo que nace en 2005 con gente procedente de otras bandas que inicia su andadura con una propuesta diferente y en aragonés. De ascencencia maña, han crecido escuchando a El Corazón del Sapo. En sus letras se deja ver el compromiso con la lengua y la cultura de su tierra. Han empezado con mucha fuerza y lo dejan sentir en sus directos. Con una formación básica de bajo, batería y guitarra llenan con contundencia los espacios vacíos.

http://www.myspace.com/ulutulut

Blog de WordPress.com.

Subir ↑