Ye triste que una organizazión como A Enrestida que luita per fer un mundo millor, sin desinformazión ni manipoliazión, refirme, a trabiés d’o suyo blog e tamién d’a fuella Esmo (lum. 15), una opinión en a que culpa á Francho Nagore d’espelletar a lei de luengas per no azeutar iste l’auta de miembro de l’Academia d’a Luenga Aragonesa. Una cretica que tamién se fica en CHA, partiu de Nagore y que “ni fa servir unas luengas propias, ni las siente ni las rispeta”.
Ixas grabas d’as que charra A Enrestida pueden estar ziertas en bella mida, u en rilazión con atros prozesos, contestos u situazions pero mai en o inte en o que Luisa Fernanda Rudi anunzia, como Felipe V, que derogará a Lei de Luengas, u como l’anterior gubierno d’o PSOE-PAR retardó de traza conszien toz os plazos de desembolique d’a lei (aprebata en abiento de 2009). Pero ye millor fer serbir una estratechia de confusionismo en o mobimiento d’esfensa d’a luenga, e tamién, en a resta de ziudadanos. Una begada más, trafucamos l’enemigo, chugando á crebar, en una estratechia de barafundio que mos amana chino chano á un esbenidero prou reyal: a muarte d’a luenga aragonesa.
julio 23, 2011 at 13:25
A yo tampoco no m’ha cuacau brenca l’articlo de A Enrestida. Ye menister parar cuenta de que no ye un articlo d’opinión, pues no leba siñadura, ye un articlo editorial, zeña la endrezera de a entidá editora. U siga, que ye una posizión coleutiba de A Enrestida.
D’atra man, o BIC, en a mía opinión, prene cada bez más as trazas d’un mobimiento organizau en «Frens de Luita», a la biella mena maoísta. O BIC fería serbir, allora, a A Enrestida como lo suyo «Fren Cultural», PYLN lo fren politico, A Clau Roya lo feminista …
Asinas, publicar iste articlo en iste fanzine chusto ta que siga distribuyiu ta lo Festibal d’Artieda, tendría sinificau politico: ye menister parar cuenta de que a consecuencia dreita de que PYLN tienga ripresentazión en Artieda ye que, de feito, gubierna en ixe monezipio en co-alizión post-electoral con CHA.
Asinas, d’una man o BIC pauta con CHA y d’atra l’ataca. Ixo ye lo que en o lugar mío se diz «estar en o plato y a las tajadas».
Sería menister, en a mía opinión, que Nagore esplicase publicamén que bi ha de zierto en ixo y a qué fin no azeutó (si ye asinas) o nombramiento como academico
julio 26, 2011 at 13:25
No soi ni de BIC ni de A Enrestida.
Pero no cal estar guaire analista ta vier que Nagore, por enesima vegada, creyeva en que CHA dentraba en o gubierno y va paralizar la suya dentrada en l’academia dica que se producise o pacto con CHA.
Unaltro sintoma de o suyo buscar «posicionarse» ye l’aprebación de o Diploma d’especialización en Filolochía Aragonesa en a Unibersidat….. ta que te lo apreben no cal pasar que bels filtros formals, no pas cientificos, ni filolochicos, ni sociolingüisticos…. Si un profe que leva 20 tantos años en a uni vechetando y minchando de l’erario publico presenta un proyecto a unatro colega de o tribunal de os cursos propios de a universidat que leba fendo lo mesmo que él (vechetar en a universidat) un trapacil d’años… ye normal que le’n aprueben (¡¡SON COLEGAS!!)
Total que agora que CHA no bi ye, l’unico que ha aconseguiu ye facilitar a Rudi que esfaiga una entidat que no s’ha puesto constituyir debiu a que Nagora, por os suyos intreses, no acepto o suyo nombramiento.
Si lo ese feito agora sería mas dificil d’esfer a entidat. Si Rudi lo quiere petar tot nian estando-ie Nagore se podría aber feito pon, pero a lo menos s’ese feito rudio perque a entidat existiba.
L’egoismo de Nagore le dona en «serbilla de plata» a Rudi a fin de l’aragonés como parlache vivo.
julio 28, 2011 at 13:25
Manolo, con ixe analís tuyo has d’azeutar una cosa: Chuntos por l’Aragonés surtió, prezisamén, asperando que CHA dentrase en o Gubierno con o PSOE. A la fin ha fracasau, pero ye inchusto chitar-le toda la culpa a Nagore: y lo dogmatismo de Nogará fendo obligatoria la ortografía de l’EFA en os suyos cursos? Ya plenó Nogará de «brazos de fusta» lo II Congreso (fendo botar una lista unica en plan sobietico) y agora continaba chugando fer-se con a mayoría en l’Academia. L’autitú de Nagore no ye que una traza d’esfender-se.
Pero lo feito ye que Chuntos por l’Aragonés ha fracasau: ni bi ha gubierno que refirme l’aragonés, ni s’ha arroclau o mobimiento, tot lo contrario, encara lo ha esboldregau más: Agora tenemos, antimás, una guerra zibil ortografica enzenegada.
Podez pensar que soi un borde, pero d’isto m’aborrezié d’albertiros dende o prenzipio. Nagore será un dogmatico, pero Nogara ye una secta.
julio 27, 2011 at 13:25
¿Per qué has esborrau o texto d’ayer?
Nomas refirmaba o texto de a Enrestida, y creticaba o Diploma d’especialización en filolochia aragonesa de Nagore. No lo feito d’existir ixe titol, sino o contexto d’o mesmo.
julio 27, 2011 at 13:25
Manolo, con gran pename y con rispeto pero no tiens ni … ideya de cómo se apreban os titulos en a unibersidá. Si puedes pregunta que te dirán os trangos y os barraches, u creyes qué pende d’una presona???? D’un colega???? Pasa mesmo por Consello de Gubierno, mira en http://www.unizar.es y miras as ordinazions legals, si en tiens de tiempo y ganas amas de pa tender mierda y calumnias.
Sobre o tema d’Academia, no puedo charrar pues no en tiengo ni ideya. Me foi solo que un pensamiento, si una presona diz qué no, se’n ba tot ta la fimera? De berdá? Allora i xa presona ha un poder «dibino», u soz buscando un taute, una «capeza de turco» (que no de truco, je, je…) en cuentas de dizir que ni o gubierno anterior, ni profes o que agora bi ye en o Pignatelli teneban intinzión de tirar t’adebán. A yo isto me se parixeba cómo una traza de querer «quedar bien» u de fachenda, nusotros fizimos a lai, pero ni os mismos sozios yeran en buena pacha con o proyeuto… Charro sin saber, segundio, pero creigo que bi ha qui confunde l’ochetibo d’as creticas, ye más fazil presonalizar, y más que más charrar sin saber. Probablemén os que aquí escribimos emos un curriculum de treballo y esfensa de l’aragonés como pa poder estar academicos, segurismo, pero pa creticar con mala baba.
Creigo que una cretica construtiba no ye de más, y a tot lo mundo nos ferá buena onra, pero leyer o que se i beye alto, dan ganas de dizir me’n boi ta casa y no quiero saber más de muita chen. Porque la mía luenga ye mía, ye a mía patria, y no me ferez aborrezer d’ella, sí d’a «mobida», que ye pudrida, isto no millorará ni en 100 años.
Suerte, y a calumniar que ye fazilismo y gratis.
julio 28, 2011 at 13:25
Tampoco no pienso que Nagore seiga l’unico responsable de que no s’haiga feito l’Academia (evidentment ye responsabilidat zaguera d’o Gubierno d’Aragón). Pero sé que arrezagó el proceso tot el que podió no acceptando entrar en la Academia que s’heba propuesto, y ixo provocó que no s’aprebase antes de que o Gubierno salient entrás en funcions. U sía, que ni ye culpable de tot, pero tampoco no ye inocent de tot, y tiene parti de responsabilidat en que l’Academia no se creyase. Porque si s’hese creyau, sería un ente autonomo, y o nuevo Gubierno no habría puesto fer cosa pa esfer-la. Acceptó (y Vázquez y Benítez) quan se decidió en o Consejo Superior que si no deciban que sí, se mirarían sustitutos. Bell día caldrá que se sepa tot.
agosto 11, 2011 at 13:25
¿No charras d’os esbarafundios de Mostolay?
agosto 17, 2011 at 13:25
Puedes charrar tú en iste cabo e mos dizes de ixes esbarafundios como cal…
agosto 17, 2011 at 13:25
Pos hombre, que calga tener apellius altoaragoneses ta poder charrar y escribir en aragonés, entre muitos atros que amaneixen en o suyo articlo d’as zagueras Fuellas, ¿que no te las has leyiu?
agosto 22, 2011 at 13:25
o articlo de Mostolay de penible de tot!