Buscar

Aragonando

Blog aragonés de pensamiento anticolonial

Etiqueta

lai de luengas

17.12.09: Lai de luengas

Ayere estié un diya istórico. Aragón ya poseye una Lai de Luengas. Yo aprendié l’aragonés fa 11 añadas y allora ya se charraba de isto. Pasó Callizo, os xublidos de Marcelino, as deleras d’a FACAO y as luitas partidistas en o nombre de un falso consenso.

Agora prenzipia la luita zereña. Agora chen como Arturo Pérez Reverte mos meterá en o suyo mapa de «particularismos fatos», siñando manifiestos per a luenga común. A coofizialidá ye luen. Pero a luita ye o camín.

O pueblo aragonés azientifico no ye

Pos ixo. 15 presonas achuntó en Saragossa a FACAO (a trabiés d’a Plataforma «No Charramos Catalán») o pasau sabado. Tozudos i son, pero con ixas zifras talmén pleguen á aturar a benién ¿Lai de Luengas? Podemos contimparar isto, con as 2.000 presonas que han siñato o manifiesto de www.leydelenguas.com, u as 500 presonas que plenoron o ZZ Unibersidá o pasau Diya Nazional (con Obrint Pas). China chano, se contrimuestra que o pueblo aragonés ye por o suyo patrimonio cultural y que iste ye en Aragonés y en Catalán.

Vía  /  La FACAO fa una gran manifestació amb 15 persones i el suport del PAR

DChA, Lai de Luengas, etnozidas e colonizaus

Güe estié en a V Trobada d’Estudios y Rechiras arredol d’a Luenga Aragonesa (Uesca). Como siempre, os fredos datos estadisticos se’n claboron en o mío esmo: Cecilio Lapresta presentaba en a suya ponenzia (“Vitalidad etnolingüística del aragonés. Un estudio en el dominio lingüístico”), a dura reyalidá. Sobre 431 encuestas en tot o territorio aragonesofono, un 72% d’os custionatos beyen innesezaria una Lai de Luengas, mientres que un 27% la beyen nesezaria. ¿País d’españols? ¿colonizazión á camatons? Denzima, o diya d’antis ascuitando á la consellera de Ciencia y Universidad (Mariví Broto), sobrarbenca d’orichen, dezir que a DChA feba muitas cosas per la fabla y que a Ronda de Boltaña le cuacaba muito. ¡Jolio! Os etnozidas t’amortan con a sonriseta y tot.

Crea un blog o un sitio web gratuitos con WordPress.com.

Subir ↑