A semana pasata, o Estudio de Filolochía Aragonesa, más conoxito como l’Academia de l’Aragonés presentó a suya proposta de norma ortografica ta l’aragonés común. Una koiné más que s’adube á las normas graficas de 1987 (esfendita per o Consello d’a Fabla e atras asoziazions), á la proposta d’a SLA (naxita en 2006) y á las no-propostas de norma común (dialeutos e Unibersidat zaragozana, que refirman l’africanizazión d’as bariedaz). Un perigloso barafundio chusto cuan a Lai de Luengas cumple dos meses dende que salié en o B.O.A. Ye platero que a norma d’o 1987 no ye azeutata per toz os usuarios de l’aragonés. Pero tamién ye berdat que a diya de güe bi ha una zereña tradición de literatura que tien como alazet ista norma. Tampó soi lingüista como ta esfender as coderenzias u errors d’as grafias proposatas. ¿Bi ha luitas presonals dezaga de istas? ¿Presonalismos que han prebocato ista setugazión? O problema ye que agora o tiempo achusta os trangos que cal fer. Como siempre: ya beyeremos.
Aragonando 
marzo 1, 2010 at 13:25
Yo creigo que ye una buena noticia que l’Academia-EFA haya almitiu a la fin que no tien denguna autoridat lingüistica y que nunca no será reconoxita como tal por o Guvierno d’Aragón.
Sobre as preguntas que fas, creigo que no tienen garra importancia las suya rispuestas.
O prencipal ye parar cuenta de que a decisión de cual ha de ser a ortografía oficial de l’aragonés (u siga, la que faya servir o Guvierno d’Aragón) ye una decisión politica, y que os movimientos ta imponer-ne una son, alavez, politicos.
Agora ye menister asperar a veyer cuán se constituye lo Consejo Superior de las Lenguas de Aragón: Parixe platero que CHA bi meterá a Francho Nagore y que IU ferá lo proprio con Ánchel Conte. No sabo si será verdat que, como se diz á escuchetas, o Guvierno d’Aragón bi ficará á 2 de l’Academia-EFA de os 5 suyos. O PSOE apostaría asinas por a ortografía de l’Academia-EFA.
Tamién se comenta que CHA aspera poder dentrar en o Guvierno d’Aragón ta 2011 y asinas poder imponer a ortografía de lo 87 como oficial y a Nagore como mainate de l’Academia de verdat.
Agora o movimiento d’esfensa de l’aragonés se troba devant de a crucillata que sinifica bien pender d’istos manullos en as insitucions autonomicas, bien prencipar a luita por a reconoxedura de l’aragonés como la nuestra luenga nacional.
marzo 9, 2010 at 13:25
Yo me pregunto qué caldrá fer con os nombres que se han posau en aragonés dica agora. Luzía será Lucia, Lorién tendrá que estar Lorient, os lugars que han ficau o cartel en aragonés tamién caldrá cambiar-los?
O libro A lueca se’n aberba bendiu tantismo con a nueva grafía?
No me mola…
marzo 10, 2010 at 13:25
NO te des mal, Florencio, CHA dentrará en o guvierno d’Aragón dimpués de as venients eleucions ta Cortes, con PSOE y PAR si ye menister, y tal cual imposó l’Academia ex-novo en a Lei de Luengas imposará la grafía de lo 87 como oficial y prou.