En dos semanas ye estato en dos festibals. Cuasi dos clasicos, uno per antigüedá (o PIR, 3-5 de chulio) y atro per emozions e senificatibidá (Artieda, esfendendo a Tierra, 18 de chulio). Os dos festibals se fan en o Biello Aragón pero contimparar-los ye una mica inchusto. Per un costau, o barafundio identitario-organizatibo d’o PIR ye pleno: en a programazión, en os criterios. Parixe como si lo fe-sen per rutina, con una estrania a-politizazión que se torna en midas “anti-aragonesas” (collas mosicals solo que perinencas, per exemplo).

DSCN3026

En o festibal d’Artieda 2009, parato por o Bloque Independentista de Cuchas, as cosas i son d’atra traza. Con ochetibos plateros, a lechitimazión d’os mesmos se fa con rasmia (esfensa d’a tierra, Artieda como lugar-tótem, independentismo, autochestión). Con menos recursos economicos se pueden fer autos muito dinnos. Istas cosas rilazionan o compromís d’as collas mosicals (Prau ye un exemplo sobrebueno) con os organizadors. Consumo contra Compromís. No podemos contimparar.

SANY1011

Anuncios