Iste domingo 5 d’otubre á ras 10 d’o maitín en a Plaza Aragón.

Aragón: umillada, sozmesa y contenta.

 

Dende o domingo 5 de otubre, un granizo siñal d’España de bels 20 metros cuadraus presidirá (y contamos que ta cutio) un d’os puestos más simbolicos de Zaragoza: a Plaza Aragón. Iste sera o terzer siñal d’España en una plaza an que no i hai garra istituzión que siga obligada a tener-ne. Chusto á o canto d’o monumento á o Chustiziazgo y á o Chustizia d’Aragón más conoxiu y popular, Juan V de Lanuza, el Mozo, feito per Francisco Vidal ta zaguerías d’o sieglo XIX. 

 

Juan V de Lanuza, con todas as suyas birtuz y os suyos defeutos (que prou que’ntendría arrienda) forma parte de l’imachinario coleutibo aragonés. De feito, iste monumento, que leba en a Plaza Aragón 104 años, ba estar construyiu grazias a la colaborazión d’o Conzello de Zaragoza (o mesmo Conzello que agora s’entusiasma con as cuarteladas españolas), a Diputazión Probinzial y a suscripzión popular de particulars.

 

Dende agora ista memoria coleutiba será cusirada per un granizo siñal d’España (o mesmo que restituyó un tal Francisco Franco en 1936, modificando as colors d’o siñal d’a II Republica española). Una buena alegoría de como se quiere á o nuestro país, Aragón: umillada, sozmesa y, en pagas, contenta.

 

ESBOLDREGUEMOS OS SIÑALS D’A ISPANIDÁ!!

Anuncios