Iste cabo semana pasau estié en o PIR, o festibal de mosica e cultura pirenenca. O puesto, Echo, lugar mitico-etnico an los bi aiga. O caso ye que siempre te trobas á chen aragonesa, escolonizada e con delera per fer país. Pero bueno, cal dezir que Aragón ye un país gran, an os españols plegan ta toz os puestos. En o conzierto d’o sabado autuaba A Cadiera Coixa. O normal ye amostrar o siñal nazional, e si leba a estrela sozialista, muito millor. Parixe estar que una colla de chobenastr@s se carrañoron un poquet con iste chesto de naturalidat nazional. Sacoron un siñal d’a ziudat de Uesca, como querendo refirmar que os foranos yeranos nusatros. Risas, jajaja, jijiji. Dimpués d’a mosica, o zagal español que lebaba o siñal uescano s’amanó a prebocar-nos. Per zierto, denzima no yera tampó de Uesca, simplamén o tipico español que güelló un siñal rojoseparatista e pensó que bi eba plegau o diya d’o zaguer chuizio. ¿Qué deziba ista chentota? “Huesca y Aragón no son lo mismo”, “la fabla es nuestra”. “de Ayerbe para abajo todo moros”, etz, etz. A berdat ye que siento dezeuzión perque pasen istas cosas, e tamién per penar de combibenzia con chen que no quiere saper… As mugas las i meten ers. ¡Au d’astí xenofobos!
Aragonando 
julio 19, 2007 at 13:25
Creigo que ixo so pasa que en un país como Aragón,pos ye una nazión que ya no se reconoix como tal,nomás se sabe ,se tiene conzenzia que si ún naix en bel lugaron u ziudat d´aragón alabez yes Aragonés.En mutos puestos y paises esisten ribalidaz y proboinzialismos(en Euskadi per exemplo pasa entre Bizkainos y guipuzcoanos…),pero lo que pasa que en Aragón a diferenzia d´ixe país (que conserba fuerte la suya identidat nazional),Aragón la ha perdiu.A Nusatros as probinzias nos han feito muito mal,y eliminar-las sería un trango prou importán,ta reconstruyir o país.
julio 20, 2007 at 13:25
A berdat ye que istes españols d’o conzierto d’o PIR tampó en sabeban mica. Perque si lebas un siñal monezipal de Uesca, perqué esfiendes l’Alto Aragón como si estase o cado d’as esenzias patrias? Chuegan á lo confusionismo, tamién ye zierto que muita chen d’a montaña identifica o siñal d’autodeterminazión con chen urbana (Zaragoza a mayor parti) e ixo preboca bel refuse etno-cheografico. Pero isto ye una parti mes d’a colonizazión.
Salú Oscarón