Ye triste que una organizazión como A Enrestida que luita per fer un mundo millor, sin desinformazión ni manipoliazión, refirme, a trabiés d’o suyo blog e tamién d’a fuella Esmo (lum. 15), una opinión en a que culpa á Francho Nagore d’espelletar a lei de luengas per no azeutar iste l’auta de miembro de l’Academia d’a Luenga Aragonesa. Una cretica que tamién se fica en CHA, partiu de Nagore y que “ni fa servir unas luengas propias, ni las siente ni las rispeta”.
Ixas grabas d’as que charra A Enrestida pueden estar ziertas en bella mida, u en rilazión con atros prozesos, contestos u situazions pero mai en o inte en o que Luisa Fernanda Rudi anunzia, como Felipe V, que derogará a Lei de Luengas, u como l’anterior gubierno d’o PSOE-PAR retardó de traza conszien toz os plazos de desembolique d’a lei (aprebata en abiento de 2009). Pero ye millor fer serbir una estratechia de confusionismo en o mobimiento d’esfensa d’a luenga, e tamién, en a resta de ziudadanos. Una begada más, trafucamos l’enemigo, chugando á crebar, en una estratechia de barafundio que mos amana chino chano á un esbenidero prou reyal: a muarte d’a luenga aragonesa.
Dende fa unas añadas, somos beyendo como l´estau español no atura de ensistir en enculpar a toz aquels que no piensan ni actuan como él. Garchola, multas u represión son as menas de aizions que gosa d’emplegar l’ estau ta aterrar y albertir a tot aquel que se “salga de la linea” ofizial. Per tot isto, dende A Enrestida queremos dar tot lo nuestro refirme, a toz aquels que limpio a luitar fan una soziedat chusta y solidaria, a toz aquels que luitan per construyir espazios libres an que poder soniar, y a toz aquels que esfienden a suya tierra.
